Январь 9-та чылдың-на Делегей чергелиг хореографтар хүнүн демдеглеп эрттирип турар. ТР-ниң культура сайыды Виктор Чигжит Тываның хореографтарынга профессионал байырлалы-биле байырын чедирген.
“Танцы уран чүүлү дээрге кижиниң культуразын илередир эң-не көскү хевири. Ол чон бүрүзүнде катаптаттынмас. Тываның хореография уран чүүлү аас чогаалының ансамбльдарын кадагалап арттырбышаан, бистиң профессионал ансамбльдарывысты сайзырадып турар база бир ховар культурлуг өнчүвүс болуп артпышаан. Бистиң республикавыстың хореографтары боттарының чогаадыкчы салым-чаяаны-биле тыва чоннуң онзагайын көргүспүшаан, танцы уран чүүлүн чаа деңнелге сайзыратпышаан, бистиң байлак культурлуг өнчүвүстүң кол кадагалакчылары болуп турар.
Бистиң балетмейстерлеривис, танцорларывыс, башкыларывыс, тургузукчуларывыс хүннүң-не ниитилелдиң культурлуг хөгжүлдезинче болгаш чоннар аразында найыралды быжыктырарынче боттарының үлүг-хуузун киирбишаан, өзүп олурар чаа көрүкчүлер салгалын, оларны солуур самчыларны кижизитпишаан, улустуң кайгамчык өөредиглиг ёзу-чаңчылдарын уламчылавышаан, бо кайгамчык хөй талалыг уран чүүлге бараан болуп чоруур” – деп, культура сайыды бижээн.