◆ Сургаан чугаа
Бир ангел иениң ынакшылында чаштынып чыдар улуг күш бар деп билип алган. Ынчангаш ангел иениң ынакшылының чажыдын тывар деп бодап алган. Ол хөй кижилер аразынга чоруп чорааш, чүнүң-даа утказын билбейн барган.
— Кандыг-даа чажыт тыппадым, Бурган! — деп, ангел хөлзээн. — Шупту иелер аңгы чүве-дир. Бирээлери — ажы-төлүн ошкап-чыттаан, өскеле- ри — ажынган, чамдыктары — чассыткан, бир чамдыы — шыңгыы кижизиткен, өскелери — кадыг ажылга өөреткен, бир кезээ оларга чүнү-даа кылдырбайн турар.
— Сен өскээр көрүп турган-дыр сен — деп, дээрден үн дагжаан. — Ие кижиниң аажы-чаңынче көрбейн, ооң чүрээнче бакыла.
Чамдык иелер ажы-төлүн ошкап-чыттап, өскелери — ажынып кончуп турза-даа, олар шупту ажы-төлүнге чуртталгазындан артык ынак болганын ынчан ангел көрген.
“Шын” №18 2024 чылдың март 9
Иениң ынакшылы
10 марта 2024
29