Кудук чанынга ашак биле үш херээжен олурган. Оларның чанынга үш оол ойнап турган. Бир дугаар херээжен: “Мээң оглумнуң үнү дыка өткүт, чараш” — деп чугаалаан. Ийигизи: “А мээң оглум самнап турда, дыка ээлгир” — деп мактанган. Чүгле үш дугаары чүнү-даа ыыттаваан.
Ашак олче көрүнгеш: “Сен чүге оглуң дугайында чүнү-даа чугаалавайн тур сен?” — деп айтырган. Ол: “Ооң онзагай чүүзү-даа чок” — деп харыылаан.
Херээженнер хууңнарынга суг узуп алырга, ашак катай туруп келген. Бир дугаар оол айлаң-куш дег ырлаан, ийигизи оларны долгандыр самнаан турган. Чүгле үш дугаар оол авазынга келгеш, аар хууңнарны алгаш, бажыңынче кылаштапкан.
Баштайгы ийи херээжен ашактан: “Че, кандыг-дыр, бистиң оолдарывыс?” – деп айтырганнар. Ашак: “Олар кайдал? Мен чүгле чаңгыс оол көрүп тур мен” — деп харыылаан.
Шак-ла мындыг амыдыралга чоок, өөредиглиг кыска чугаалар уругларга билдингир, өг-бүлениң үнелиг чүүлдерин көргүзүп турар, ада-иезин үнелеп билиринге өөредип турар.
Чурукту интернеттен алган.
«Шын» №16 2025 чылдың май 1