Чурум ёзугаар чыл санында өзүп турар тарифтер бо удаада Россияның Экономика сайзыралының яамызының тургусканы ёзугаар 5 хуунуң иштинге өзер.
Чиигелделиг тарифтер:
- Чурттакчы чонга болгаш оларга деңнээн хереглекчилер категориязынга – кВт*ш / 3,84 руб.
- Стационар электри плиталарын ажыглап турар хоорай бажыңнарының чурттакчыларынга болгаш суурда оларга деңнээн бажыңнарның чурттакчыларынга – кВт*ш / 2,68 руб.
- Чиигелделиг тарифтер чурттакчы чоннуң бүгү категорияларынга болгаш оларга деңнээн хереглекчилерге көрдүнген.
- Экономика талазы-биле бадыткаттынган тарифтер:
- Чурттакчы чонга болгаш оларга деңнээн хереглекчилер категориязынга кВт*ш / 4, 22 руб.
- Стационар электри плиталарын ажыглап турар хоорай бажыңнарының чурттакчыларынга болгаш суурда оларга деңнээн бажыңнарның чурттакчыларынга – кВт*ш / 2,95 руб.
Электри энергиязының хереглекчилериниң учёдунга турбаан азы дугуржулга чокка электри чарыгдаан хамаатылар экономика талазы-биле бадыткаттынган тарифтер-биле төлээр. Бөдүүнү-биле чугаалаарга, электри энергиязын оорлап кожуп алган хамаатылар ооң өртээн көвей кылдыр төлээр ужурга таваржыр.
Июнь айда хөй хамаатылар чырык чарыгдалының кезиктеп, ажыр төлеп алырын кызыдарлар. Ынчаар төлевес болза чогуур дээрзин тайылбырлап көрээли:
Чоокку үелерде «Тываэнерго» АН-ның чорудуп күүседип турары ажылын өске организацияже дамчыдары көрдүнүп турар. Ажыр төлепкен акшаңар «Тываэнерго» АН-ның агар-санынче шилчивес. Ынчангаш ол хереглекчи электри энергиязын хандырар чаа организацияга өрелени берип болур. Ынчангаш «Тываэнергосбыт» АН-биле төлээр ужурлуг акшаңар түңүн ыяк билип алгаш, ынчан санажырын сүмелеп тур бис.
Тарифтер солчулгазының мурнунда, июнь 25-ке чедир, «Тываэнергосбыт» АН-че электроэнергия чарыгдалын санап турар апарадыңарның көргүзүглерин дамчыткаш, санаткаш, өреңерни долузу-биле албан төлээр ужурлуг силер. Ол чүүл арифтер өспээнде болгаш өзе бергенде чарыгдаан электри чарыгдалдарын аңгылап тодарадырынга, чаа электроэнергия организациязынга каш дугаар көргүзүгден эгелеп төлээрин билип алырынга ужур-дузалыг.
Долу медээ-биле «Тываэнергосбыт» АН-ның www.tuvaensb.ruдеп сайтызында хереглекчилерге ажытканы «Потребителям – Физическим лицам – Тарифы – 2022» деп адырындан таныжып болур. Ол ышкаш көргүзүглериңерни 88007001937, 8 (39422) 5-65-26 дугаарлыг телефоннарже долгааш дамчыдып, билдинмес чүүлдерни айтырып болур.
ТР-ниң Тарифтер талазы-биле албанының 2021 чылдың декабрь 29-та үндүргени «2022 чылда Тыва Республикага чурттакчы чонга болгаш оларга деңнээн хереглекчилер категорияларынга электри энергиязының өртээн тургузарының дугайында» 61 дугаар доктаалы.