Август 7-де Национал паркка “Чаңгыс демниг Россия” политиктиг партияның регионалдыг күүсекчи комитединиң ажылдакчыларының мага-бот болгаш сагыш-сеткил арыглаар ээлчеглиг ужуражылгазы болган.
Регионалдыг күүсекчи комитеттиң удуртукчузунуң оралакчылары Шеңне Ховалыг болгаш Чечена Ондар күш кирип, бүдүн хүн дургузунда сергек болур дээш, йогалап чедип келгеннер.
“Йога дээрге делегейже болгаш бодунче өске көрүш-биле элээн делгемчидир көөр арга болуп турар. Йогада бар янзы-бүрү аргалар дузазы-биле күжениишкинни үндүрүп тургаш, бодап турар бодалдарыңар дээш харыысалганы бодуңарга ап алыр силер” – деп Шеңне Ховалыг чугаалаан.
Йога мастер-клазы эрттирип турар Национал парктың коллективиниң ачызында ооң киржикчилери ханызы-биле сула салдынарынга, оорга сөөгүнге болгаш тыныш органнарынга ажыктыг практикалар-биле таныжып, дүвүрээзин болгаш стресстен адырлып алганнар.
“Кызылдың чурттакчылары хоорайның дааш-шимээнинден ыракка ажык шөлчүгешке практикалаар аргалыг болганынга аажок өөрүп тур бис. Йога дээрге күш-шыдалдың,таарымчалыг байдалдың болгаш тайбыңның үнер дөзү-дүр. Канчап билир бөгүн кым-бир кижи амыдыраар күжүн көдүрер, бодунуң күш-шыдалын көвүдедир чаа-чаа аргаларны тып алган чадавас” – деп, Чечена Ондар демдеглээн.
“Чаңгыс демниг Россия” партиязының регионалдыг салбырының медээлеринден.
Чуруктарны интернет четкизинден алган.