Тываның Көдээ ажыл-агый яамызының специалистери чылдың-на сезоннуг ажылдар үезинде кожууннарны кезип, араттар-биле ужуражып, хыналданы чорудуп турар. Бо удаада Көдээ ажыл-агый яамызының мал ажыл-агыйының болгаш уксаажыдылга талазы-биле килдистиң удуртукчузу Ушпас Куулар, килдистиң консультантызы Адыгжы Ангакпан, көдээ ажыл-агый продукциязын болбаазырадыр талазы-биле килдистиң консультантызы Сайгал Ондар Улуг-Хем кожууннуң көдээ ажыл-агый бүдүрүлгелеринге ужуражып четкен. Олар Эйлиг-Хемниң "Тыва-Ангора" деп ангор дүк болбаазырадыр болгаш ангор дүктен аржыылдар аргып турар цехти сонуургап көргеннер.
Шагаан-Арыгда алгы-кеш эттээр цехтиң ажылын көрүп, удуртукчузу Маадыр Кырлыг-Карага ужуражып, кандыг дуза чедирип болурун, бүдүрүлгени сайзырадыр программааларга киржип болурун сүмелешкеннер.
Арыг-Үзүүнде "Оргаадай" көдээ ажыл-агый бүдүрүлгези бо чылын тыва далган бүдүрер база мал чем кылдыр тараа тарыырындан аңгыда, крупа аймаан тарыыр. Бүдүрүлгениң удуртукчузу Э.Л. Мандан-оол бо чылын республиканың социал-экономиктиг сайзыралының тускай программазы-биле күрүне деткимчезин алган. Ол кырлыг-кара биле көже болбаазырадыр тускай цехти бо чылын ажылдадып, продукциязын садыгларже үндүр садып эгелээрин дыңнаткан.
Чаатының сүткүр уксаалыг инек фермазы тургузуп турар Чойган Сундуйнуң ажылын база хынаан.
Улуг-Хем кожууннуң медээзи-биле.
КӨДЭЭ АЖЫЛ-АГЫЙ БҮДҮРҮЛГЕЛЕРИНИҢ АЖЫЛЫН ХЫНААН
28 мая 2023
18