Күш-ажыл – эмнээшкин

Хову-Аксыныӊ дазылга бажыӊныӊ чанында тарып олурткан георгин, ноготки, циния, космея деп чечектерниӊ үрезиннерин улуг назынныглар өөрүшкү-биле чыып турганнар.

Арыг агаарлыг черге шимченип ажылдаарга, мага-боттуӊ күш-шыдалы экижиир болганда, күш-ажылды эмнээшкин кылдыр ажыглаар дээрзин дазылга бажыӊныӊ күш-ажыл инструктору Чойган Сарад-оол тайылбырлаан.

Угаан-бодалындан аӊгыда, холдарыныӊ күш-дамырын ажыглаар харыысалгалыг ажыл, чечектерниӊ бичии-бичии үрезиннерин чыыры, өөрүнчүг болган.

«Идепкейлиг узун назын» деп күрүне программазын шак ынчаар боттандырып турарыныӊ дугайында республиканыӊ Күш-ажыл болгаш социал политика яамызы дыӊнадып турар.

Р.Демчик белеткээн.