«Шын» 12+

КАҢГЫЛААР

18 апреля 2023
34

Ийи катышкы аңнап чораан чүве-дир. Олар одагга келгеш, өлүрген аңының эъдинден ок тып алганнар. Ок угунда-ла күдээзинии болган.
Күдээзи олургаш:

– Мээң боом огу ышкажыл бо, катым – деп чытпыже:

– Бо Каңгылаарга чежени каңгылатпаан чүве дээр сен мени, оглум – дээш, ашак шымдай-ла окту эът-биле кады боскундува ажырыпкан. Үлежин бербес дээш, каты кижи харамнанганы-ла ол боор. Ынчангаш ол черни Каңгылаар дээн чүве дээр-ле болгай.

Ол черде аңның элбек деп чүвезин кан- чаар – чалымнарга хөй сыынның мыйызының даажы безин каңгыңайнып турар чер-дир. Улуг аң бир одарга, хөөрем чок, үжен-дөртен чоргулаар, ол хире байлак Каңгылаар дээр.

/ «Тыва улустуң аас чогаалы – чоннуң сагыш-сеткил өнчүзү» чырыдыышкын, эртем-методиктиг сайттан алган.

"Шын" №27 2023 чылдың апрель 15

Надежда Сат