Делегей чергелиг Кремльдиӊ ачы-буянныг кадеттер балы декабрь 16-да Москва хоорайга болур.
Ук патриотчу төлевилелди 2016 чылда эгелээн. Бо чылын аӊаа Тускай шериг операциязыныӊ киржикчилериниӊ болгаш ооӊ Маадырларыныӊ уруглары, кадет албан черлериниӊ, школаларда кадет класстарныӊ өөреникчилери, аныяк-чалыыларныӊ патриотчу клубтарыныӊ кежигүннери болгаш Тыва Республиканыӊ социал албан черлеринде чурттап турар өскүс уруглар киржир.
«Делегей чергелиг Кремльдиӊ ачы-буянныг кадеттер балы» деп патриотчу төлевилел болза российжи аныяктар бүрүнү-биле ТШО-ну деткип турар дээрзин илередир.
Аныяк-өскенни патриотчу чорукка база мөзү-шынарлыг чаӊчылдарга өстүрүп кижизидери чугула дээрзин РФ-тиӊ Президентизи В.Путин үргүлчү чугаалап турар. Ынчангаш российжи чоннарыныӊ ёзу-чаӊчылдарыныӊ, культураларыныӊ, төөгүзүнүӊ үнелиг билиглерин кадагалап арттырбышаан, чоннуӊ чаӊгыс аай эп-сеткилин, демниг чоруун быжыглап, аныяктар аразынга эп-найыралдыг быжыг харылзааларны тургузуп, Россия Федерациязыныӊ төлептиг ат-соруун хевирлеп тургузары ук хемчегниӊ кол-кол боттандырар сорулгалары болур.
Р. Демчик белеткээн.