«Бир эвес узун назылыг болгаш кадык болуксазыңза, ижин-шөйүндүң куруг чорзун» деп кыдаттар чугаалаар.
Чиңге шөйүндүлер дүъштекиниң 13 шактан 15 шакка чедир ажылдаар. Ынчангаш ол үеде дүъштеки чемни чиирин сүмелеп турар. Кыдаттар улуг ижин-шөйүндүнүң ажылдаарынче кичээнгейни угландырып турар. Улуг шөйүндү эртенгиниң 5 шактан 7 шакка чедир идепкейлиг ажылдап эгелээр. Ынчангаш улуг шөйүндү ажылдап турар үеде, эртенгиниң 5 шактан 7 шакка чедир, 1-2 стакан 35-тен 60 градус чедир чылыг сугну ижер. Эскерер болзуңарза, чылыг суг ишкен соонда, албан кадыг албаннаар силер. Чылыг суг шөйүндүлерни чуп үндүрүп турары ол-дур. Аш ижинге чылыг суг ижерге эки. Чылыг сугну даң бажында аш ижинге ийи ай дургузунда ижипкеш эмчилээрге, мага-бодунда янзы-бүрү аарыглар, харын-даа хоралыг ыжыктар безин чидип турар таварылгалар бар. Ынчангаш кадык болур дизе, даң бажында оттуп келгеш-ле, чылыг суг ижип өөренип алыры чугула.
Хоолгалаан.
Чурукту интернеттен алган.
“Шын” №46 2025 чылдың ноябрь 27