Республиканыӊ девискээринде черлик дилгиде калчаа аарыгныӊ вирузу бар дээрзин 2023 чылдыӊ февраль 2-де «Тываныӊ ветеринария лабораториязы» деп күрүне бюджеттиг албан чери лабораторлуг шинчилелдер түӊнели-биле бадыткаан.
Калчаа аарыг талазы-биле кызыгаарлаан хемчегни (карантинни) Мөӊгүн-Тайга кожууннуӊ Мөген-Бүрен сумузунуӊ «Дыттыг-Арыг» деп черниӊ девискээринге чарлаан. РФ-тиӊ ветеринария адырында хоойлужудулгазынга дүүштүр Тыва Республиканыӊ Баштыӊыныӊ 49 дугаарлыг Айтыышкыны үнген.
Дириг амытаннарныӊ халдавырлыг аарыыныӊ өөскээн черин долгандыр 20 км хире черден мал-маган, ыт-куш, диис ышкаш амытаннарны үндүрбес, киирбес. Ол девискээрден эът, сүт аймаан дажыглаары хоруглуг. Алдан хонук карантин чарлаан.
Калчаа аарыгны узуткаар талазы-биле болур-чогуур хемчеглерни Тыва Республиканыӊ күрүнениӊ ветерианрия албаны чорудуп турар.
Россияның көдээ ажыл-агый хайгааралының Тыва, Хакас республикалар болгаш Кемерово облазы – Кузбасста эргелелиниң медээзи-биле Р. Демчик белеткээн.
Калчаа дилги болгаш алдан хонук карантин
14 февраля 2023
58