Россия Федерациязының Президентизиниң 1424 дугаарлыг 2022 чылдың сес айның 14-тен Протоколу ёзугаар даалгаларының күүселдезин чорудар ажылды ТР-ниң Чер болгаш өнчү-хөреңги хамаарылгаларының яамызы эгелей берген. Ол дээрге республикада бар бүгү муниципалдыг тургузугларның турар девискээри болгаш кызыгаарын тодаргайлап бижиири база ол дугайында бүгү медээни Чаңгыс аай шимчевес өнчүнүң күрүне даңзызынче киирери болур.
2025 чылдың апрель 1-ниң байдалы-биле алырга, республикада бо хүнде бар 143 муниципалдыг тургузугнуң Чаңгыс аай шимчевес өнчүнүң күрүне даңзызынче чүгле 130 кызыгаары кирген болуп турар. Ынчап кээрге, республикада бар муниципалдыг тургузугларның ниити санының 90,9 хуузу болуп турар.
Көрдүнген план-график ёзугаар Тыва Республиканың девискээринде бүгү муниципалдыг тургузугларның туружун, кызыгаарын тодарадып бижиир ажыл бо чылдың дургузунда доостур.
Ынчап кээрге, бо чылын тургустунганындан бээр 60 чыл болуп турар Тываның картазынга чаа бижиктер муниципалдыг тургузугларның кызыгаары бижиттинер.
Сорунза Монгуш.
ТР-ниң Чер болгаш өнчү-хөреңги хамаарылгаларының яамызының медээзи болгаш чуруу.
«Шын» №15 2025 чылдың апрель 24