— Школачы сен бе, оол?
— Чок, садист мен — садик барып турар мен.
— Максим, улуг кижи бичии дуңмаңга чүге портфелиң чүктедип турар сен?
— Ындыг турар ужурлуг. Ол харын-даа меңээ четтирдим дээр: улугларга дузалаар деп өөредип тур мен!
Авазы оглундан айтырган:
— Дневнигиң чүге азыгда турары ол, Саша?
— А мен ону «ийи» дээш кезедип турарым ол-дур.
— Бөгүн школага меңээ дыка чогумчалыг хүн болду — деп, Вика ада-иезинге чугаалаан.
— А чүге?
— Башкым мени азыгга тургузар дээрге, шупту азыгларны эжелеп алган болду.
— Моон соңгаар школа барбас мен — деп, бирги классчы чугаалаан.
— А чүге?
— Бижип, номчуп билбес-тир мен, а чугааланырын меңээ чөпшээревес-тир!
— Чаңгыс классчыңарны чүге эттеп турган силер?
— Ол онаалгазын шын эвес кылып алган болду.
— Ол дээш эттээр чылдагаан эвес ышкажыл…
— А бис оон дүжүрүп бижээш, ийи алган болгай бис!
Дима өөренгеш, чанып келген.
— Дневнигиң кайыл? — деп, ачазы айтырган.
— Сашага ачыладыптым. Ол ада-иезин коргудары ол…
Оглу авазынга хомудап чугааланган:
— Моон соңгаар школа барбас мен. Петров ам база рогатка-биле адар, Иванов ном-биле бажым орта тутсур, Васильев — бут-биле илбектептер… Барбас мен, ол-ла!
— Ванечка, соксап көрем, баар ужурлуг сен, школа директору болгай сен!
“Шын” №64 2024 чылдың август 24