— Ооң мурнунда кижилер канчап интернет чок чурттап турган ирги аа, кайгаар-дыр мен.
— Кижи бүрүзү аңгы: бир кижи «Лунная сонатаны», өскези «Евгений Онегинни» чогаадып, а бирээзи «Преступление и наказаниени» бижип, харын шыдаар шаа-биле үе чарып турган-дыр ийин.
Ыяштың унунда ынакшааннарның оюп каан аттарын көргеш, кижилер болчагже бижек ап турган бе деп элдепсинер мен.
Бичиимде мени ада-ием чыдып алгаш номчуттунарын хоруур турган. Ам мен ажы-төлүмге бажынга туруп алгаш-даа номчуурун чөпшээрээр мен, ынчалза-даа олар номчуттунмас-тыр.
Вованың чогаадыын башкызы хынааш:
— Чаңгыс кижи ындыг хөй частырыг кылып каар, бүзүренчиг эвес-тир!
— Чүге чаңгыс чүвел — ачам-биле кады кылдым!
«Шын» №66 2024 чылдың август 31