— Бис чогум канчаар тыптып келген бис, авай?
— Бисти Бурган чаяап каан, оглум.
— А ачам сарбашкындан укталган деп чугаалады чоп.
— Мен бодумнуң өгбелерим чугаалап тур мен, а ачаң – бодунуң.
😀
— Чаа, дневнигиң көргүс че, оглум. Школадан чүнү эккелдиң?
— Че ында көөр чүве-даа чок ийин, чүгле чаңгыс ийи бар.
— Чаңгыс?
— Сагыш човава, ачай, даарта база эккээр мен.
😀
— Демдектериң чүгле үштер, каяа өөренир кижи боор сен, оглум?
— Чогум географияда бештиг мен, ачай.
— Ынчаарга заводка глобустар кылыр сен!
😀
— Анализке сидииңерни эвес, яблоко чулуу эккелген-дир силер!
— Ой, оглумга школаже чүнү берипкеним ол?
😀
Мергенге кырган-авазы яблоко берген.
— Чүү дээр ийик, оглум? — деп, авазы айтырган.
— Яблокту чугдуңар бе?
😀
— Артыш, сени Вова-биле ойнава дидим чоп! Ол багай, тенек оол-дур.
— А мен эки мен бе, авай?
— Ынчанмайн канчаар! Сен дыка эки оол шээй сен.
— Ынчаарга, Вова мээң-биле ойнап болур бе?
«Шын» №94 2024 чылдың декабрь 7