Бичии Кира кырган-авазының аныяанда чуруун топтап көргеш:
– Кырган-авай, бо сен сен бе?
– Ийе, мен-дир мен, уруум.
– Бо чурукта чүгээр дорт турган-дыр сен аа.
😊
7 харлыг Сашаны авазы хепкерип турда, оолдуң ачазы эртип чыда:
– Ии, ам-даа авазынга хепкертир, чаш өпеяа-ла – деп, кочулаан.
Саша дораан харыылаан:
– Ой-ой-ой, бодуң ам-даа авам-биле удувушаан болгай сен, ачай.
😊
Кежээки чем үезинде бичии Дарина хөөрээн.
– Номчуп, санап, чуруп, бижип өөренип турдувус. Бо удаада шугумнарлыг чаа кыдыраашка бижидивис. Ындыг кыдыраашты билир ыйнаан силер. Азы силер өөренип туруңарда кыдырааштар турбаан боор аа? – деп, ада-иезинден айтырып-тыр.
😊
– Авай агаарлааш келийн бе?
– Үттүг колготка-биле бе?
– Чок, кожавыста Света-биле.
😊
Кырган-авазы 9 харлыг уйнуунуң онаалгазын кылдыргаш, аразында маргыжа берип-тир:
– Мени ынчаар өөредип каан чүве – деп, кырган-авазы шынныын бадыткаан.
– Кырган-авай, бо дээрге сээң ХIХ вегиң эвес ышкажыл, а ХХI век-тир – деп харыылаан.
😊
4 харлыг Давид авазы-биле орук кежер дээш, светофор манап турган. Чанынга шпилька туфельдерлиг чараш кыс турган. Давид аныяк кыстың туфельдерин чарашсынгаш, доңгайгаш, туфельдиң шпильказын суйбааш:
– Кандыг кончуг чараш уруг боор! Тапочкаларының чараш деп чүвезин!
“Шын” №96 2024 чылдың декабрь 14