«Шын» 12+

Каткы бажы каткан эвес

20 апреля 2025
6

Бир эвес херээжен кижи чажыттарлыг шкатулка болза, эр кижи тоолдарлыг аптара-дыр.

😀

Ийи өөреникчи каът бажың чанынга бөмбүк теп турган.

— Силерниң квартираңарда кым кончуттунуп турары ол? — деп, бирээзи айтырган.

— Аа, кырган-ачам ачамга математикада мээң бодалгамны канчаар бодаарын тайылбырлап турары ол-дур.

😀

— Паша, сеңээ чүү дээш ынаамны ам-на билип кааптым.

— Чүү дээш, эргимим?

— Сээң чараш тоолдарың дээш.

😀

— Бир-ле билдинмес, агаарда чоруп турар чүүл бисти аас-кежиктиг болдуруп турар.

— Ынакшыл бе?

— Чок, халас Wi-Fi-дыр.

😀

— Бистиң өг-бүлевисти чүү каттыштырып турар?

— Wi-Fi-ның паролю.

😀

— Мен сеңээ Золушка ышкаш мен — хеп чуур, аштанып-арыгланыр, чемиң кылыр...

— Меңээ кадай кылдыр баар болзуңза, тоолда ышкаш чурттаар сен деп сагындырып турдум чоп.

Чурукту интернеттен алган.

“Шын” №14 2025 чылдың апрель 17

ШЫН Редакция