Ачазы школадан келген оглу Ивандан айтырган:
— Чаа, оглум, дневнигиң көргүзүп көрем. Бөгүн школадан чүнү эккелдиң?
— Ында кижи көөр чүве чок ийин, ачай, чаңгыс “2”-ден өске.
— Чаңгыс борбак “2” бе?
— Ажырбас, дүвүреве, ачай. Даарта база эккээр мен!
Башкызы кудумчуда өөреникчилерин эскерип кааш:
— Оолдар, чаңгысклассчыңарны чүге эмеглеп турарыңар ол? — деп айтырган.
— Ваня онаалгазын шын эвес кылып алган кижи-дир.
— Ол дээрге эжин эмеглээр чылдагаан эвес ышкажыл...
— Бис Ванядан дүжүрүп бижип алгаш, шупту “2” демдек алдывыс!
— Кешбэк деп та чүү чүве ыйнаан. Дыңнаарга-ла, кижи бүрүзүнге бээр деп аазап турар боор.
— Бир эвес сен бичииңде куруг сүт шили садып турган болзуңза, утказы сеңээ билдингир болур ужурлуг.
Херээжен кижини чүнүң-биле сонуургадып болурул, оолдар? — деп, Алёна айтырган:
Ваня:
— Мактал сөстер-биле.
Иван:
— Хүндүлээшкин-биле.
Саша:
— Чассыдыышкын-биле.
Миша:
— Күзээнин садып алыр хөй акша-биле.
Дима:
— Ол дээш оран дүвүнче чоруптарынга белени-биле. А эр кижини чүнүң-биле сонуургадып болурул, Алёна?
— Амданныг чемни белеткээш, чанагаштаныптар, ол-ла!
Чурукту интернеттен алган.
“Шын” №47 2025 чылдың декабрь 4