Чаа-ла ажылче кирип, тургустунуп турар улус бо-ла хөктүг ужуралдарга таваржыр болгай. Амыдыралда олар анекдоттарже шилчий берген, чон аразында хөглүг чугаалар бооп чорууру шын. Оларның чамдыызын сонуургап көрээлиңер.
Бир фирмаже чаа ажылдакчы кирип турган. Даргазынга бодунуң дугайында кончуг таптыг чугаалап тургаш, аныяк эр немей каапкан:
– Шак-ла мынчаар өөренип алгаш, шаңнал-макталдарлыг ажылдап чоруур кижи мен. Аа, ооң соонда силерге мону чугаалап каары артык эвес деп бодап тур мен, дарга: мен арай чиктиг кижи боор мен – сүзүктүг, сагыыр чүүлдерим хөй...
– Харын-даа чугаалап бердиңер, ам дораан бухгалтерияга дагзып каар мен шүве: силерге 13 дугаар шалың төлевес кылдыр...
*** *** ***
– Силерниң резюмеңерде «онзагай талам – тывызыксыг мен» деп каан-дыр. Ол чүү дээни ол ирги? Оон ыңай чүнү немей чугаалап болур силер?
– Ооң харыызын мээң дүвү чок хүргүл карактарымдан билип ап болур силер.
*** *** ***
Чугаалажыышкын соонда:
– Силерни канчап-даа ажылче хүлээп ап шыдавас-тыр бис. Ынчалза-даа бистиң чижип чоруур удурланыкчы фирмавысче ажылдап кирип алыр болзуңарза, бис силерниң шалыңыңарны үш катап хөйнү төлеп бээр бис.
*** *** ***
Ажылче хүлээп турар аныяк специалист-биле чугаа үезинде:
– Бодуңарның эки талаларыңарны таныштырып көрүңерем.
– Херек чүве дээнде адырылбайн баар кижи мен, саргы ышкаш.
– Четтирдивис, чоруп болур силер. Долгаптар бис.
– Ажырбас-ажырбас. Даштыгаа манап алыйн.
*** *** ***
Дириг амытаннар дугайында база-ла солун чугаалар хөй. Амыдыралдың сайзыралының аайы-биле олар база «хөгжүп» кел-ле чыдар. Амгы үениң чаа анекдоттарындан көрээлиңер.
Чараа-чеченниң төрүттүнген хүнүнде аалчылар канапени чараа-чеченниң бодундан-на ап чип турганнар.
*** *** ***
Ээзи:
– Эки-дир чаа: дииспееэм колбасаны чип алды. Ынчаарга ол, шынап-ла, шынарлыг болган-дыр.
Диизи чыткаш:
– Ммм, чаагай деп чүвезин: күскелерни база холуй тыртып каан – деп чылганып чыткан.
*** *** ***
100 чыл бурунгаар кижи бүрүзү аъттыг турган, а байлар – машиналыг. А бөгүн машина кижи бүрүзүнде бар, а аъттар – эң бай улуста.
*** *** ***
– Дириг амытаннар кудуруктуг болгаш кудурук чок болур.
– Оон ыңай чылан база бар. Ол дээрге амытаны чок кудурук-тур.
Арзылаң шупту аңнарны чыггаш, чарлык үндүрген:
– Аравыстан эң-не кортук кижини чиир бис!
Койгунак доп-дораан тура халааш, алгырган:
– Ынчаарга кайын боор! Черлик-хаванны мен-даа болза камгалаар мен!
Чуруктарны ГигаЧатка чуруткан.
“Шын” №11 2026 чылдың март 26