Каткы бажы каткан эвес

— Эмчи, мен хөй морковь чиир болзумза, караам көөрү экижий бээр, шын бе?
— Ынчанмайн канчаар! Көстүктүг койгун кажан, каяа көрген силер?

***

Аарыг кижи эмчиге келген:
— Эмчи, меңээ дузалап көрүңерем, ай чыгыы бут бөмбүү ойнап турар тараканнар дүжеп туруп бердим.
— Бо микстураны ижиптиңер, ындыг дүштер дүжевестей бээр силер.
— Соңгузу хүн ижиптейн бе, эмчи? Даарта оларның түңнел оюну болур диин.

***

Склероз деп аарыг дендии онза: чүүң-даа аарывас болгаш хүннүң-не чаа медээ дыңнаар сен.

***

— Эмчилерниң чажыдын шыңгыы сагып турар чүве бе?
— Ынчанмайн канчаар. Оларның холунуң үжүүн безин көрүңер даан!

***

— Чугаалап көрүңерем, эмчи, бир эвес чүрээ дүргедээш, хөрээ дакпыжап, тыныжы бергедээрге, ол ынакшыл бе?
— Чок. Ол бронхулуг астма-дыр.

***

Аптекага бир херээжен:
— Силерде ацидиум ацетилосалицилиум бар бе?
— Аспирин деп турарыңар ол бе?
— Ийе-ийе, ооң адын үргүлчү уттуп алыр-дыр мен…

***

Бичии оолга яблоко берген. Авазы:
— Чүү дээр ийик, оглум?
— А силер яблокону чугдуңар бе?

“Шын” №44 2024 чылдың июнь 15