Келдиргеннерге сүме.

Күрүнеден социал керээ езугаар деткимче алгаш, хууда херээн ажыдып четтикпээн хамаатыларны мобилизацияже келдире берген болза, канчаарыл?

Бо айтырыгга ТР-ниң Күш-ажыл болгаш социал политика яамызының сайыды Эдуард Санданның харыызы:

- Бо талазы-биле Россияның Күш-ажыл яамызы тода тайылбырны берген. Бир эвес хамааты социал керээ-биле күрүне деткимчезин алгаш, бодунуң хууда сайгарлыкчы херээн ажыдар дээш дериг-херекселди садып алгаш, ажылдап четтикпээнде ону мобилизацияже келдире берген болза, ийи таланың дугуржулгазы ёзугаар социал керээни ооң-биле доозар. Социал керээ алыкчызы күрүнеден алган акшазын эгитпес. Бир эвес социал керээ-биле бодунуң ажылын эгелеп алгаш, 8 ай азы бир чыл четпээн болза, ол ажылын ара соксадып болур, азы төрелдеринге, чоок улузунга дамчыдып берип болур. Ынчан күрүне деткимчезин алган хамаатының мобилизацияга турган үезин отчеттуг үе кылдыр санавас.