Келдиргеннерге сүме.

Мобилизацияже келдирткен хамаатының паспортунда киир бижидилге кожуунда, а херек кырында өг-бүлези-биле хоорайда чурттап турар болза, ындыг таварылгада өг-бүлеге көрдүнген материалдыг дузаны кайыын алырыл?

Бо айтырыгга ТР-ниң Күш-ажыл болгаш социал политика сайыды Эдуард Санданның харыызы:

- Ындыг таварылгалар болган. Социал дуза чедирилгезин кылыр мурнунда, бир дугаарында хамаатының кайы девискээрде киир бижиттингенин кичээнгейге алыр бис. Ындыг-даа болза, хамаатының өг-бүлезиниң херек кырында чурттап турар черинге барып, байдалын өөренип көргеш, херек дузаны чедирип турар.