Мобилизацияже келдирткен шериг албанныглар дайынчы хөделиишкиннер хоочуну деп эрге байдалдыг болза, аңаа кандыг социал магадылалдар көрдүнгенил?
Ындыг шериг албанныгларга дараазында чиигелделер көрдүнген:
1) Хоойлуда көрдүнген пенсия хандырылгазының чиигелделери;
2) 2005 чылдың январь 1-ге чедир учётка туруп алган болза, чурттаар оран-сава айтырыын экижидери хереглелдиг болза, федералдыг бюджетте көрдүнген акша-биле бажың хандырылгазын алыр. 2005 чылдың анварь 1 соонда учётка туруп алган дайынчы хөделиишкиннер хоочуннары РФ-тиң чурттаар оран-сава дугайында хоойлуда көрдүнгени ёзугаар бажыңны алыр;
3) чурттап турар оран-савазының чарыгдалдарының 50 хуузунга компенсацияны алыр:
4) квартирага телефонну чоок салдырар;
5) чурттаар оран-сава тудуу, гараж кооперативтеринче кирерде, огород-садка ажыглаар чер участогу алыр дээнде, чиигелделиг;
6) пенсияже үнгенде, ооң мурнунда быжыглаттынган турган эмнелгелеринге улаштыр эмчилээр эргелиг;
7) диштен аңгыда кылымал ортопедтиг херек чүүлдер-биле (протез) хандырылганы алыр;
8) боттарынга эптиг үеде чылдың-на шөлээлээр болгаш төлевир чок шөлээни 35 календарь хонуу чедир алыр эргелиг;
9) аргыжылга транспортунче, культура болгаш спортчу организацияларже кирер билетти оочур чок садып алыр эргелиг;
10) ажыл берикчизиниң акшаландырыышкыны-биле профессионал өөредилге болгаш немелде профессионал өөредилге чедип алыр аргалыг.