Россия биле Моолдуң дипломаттыг харылзаалар тургускандан бээр 100 чыл болган оюнга Увсанур аймактың Ю.Цэдэнбал аттыг Төп музейинде ук аймактың чагырга чериниң Чоннар аразынга харылзаа килдизиниң эгелээшкини-биле «Кезээ мөңгеде кожалар бис» деп делгелгези ажыттынган.
Тыва Республика, Хакас Республика, Красноярск край, Томск облазы, Алтай край, Алтай Республика, Калмык Республика дээш Россияның Моол-биле кызыгаарында турар регионнары-биле спортка, уран чүүлге, көдээ ажыл-агыйга, эртем болгаш өөредилгеге, кадык камгалалынга, туризмге, садыг-саарылгага, экономикага хамаарышкан 300 ажыг чуруктарны ук делгелгеде делгээн.
Делгелгениң байырлыг ажыдыышкынынга аймактың чагырга даргазы Ч. Чимэд болгаш Кызылдың уран чүүл колледжиниң студентилери А. Номи, Б. Ундрал болгаш Д. Галиндэв олар келген. Уран чүүл колледжиниң студентилери, келир үениң артистери фортепианога, скрипкага, саксофонга чараш ыры-хөгжүмнү бараалгаткан.
Ю. Цэдэнбал аттыг «Кезээ мөңгеде кожалар бис» деп фото-делгелгениң эжии чыл төнчүзүнге чедир күзелдиг улуска ажык.
#Моолреспублика #Делгелге #Увсанураймак #Тыва #Тува #Тувамедиагрупп #Тывадыл #Тывамедээ #Tuva #Shyntuva