Бии-Хем кожууннуң Туран хоорайда ээлериниң хайгааралы чок чораан мал-маганга тускай кажааны туткан. Ээзи азы кадарчызы чок чораан азы орук шимчээшкининге шаптык каткан азырал дириг амытаннарны чаа туттунган кажаага түр үениң дургузунда тудар.
Кожууннуң чагырга чериниң медеглээни-биле алырга, суур иштиниң санитарлыг байдалын экижидери, орук озал-ондаан болдурбазы, ниити корум-чурумну тудары, мал ээлериниң азы кадарчының харыысалгазын улгаттырары – хемчегниң кол сорулгазы.
Малының тускай им-демдээн кылдырып албаан хамаатыларга сагындырыг бээр. Ооң соонда торгаал онаар дугайында чагырга чери дыңнаткан. Торгаалды дараазында бөлүктерге чарган: бөдүүн чонга 500-тен 1000 рубльга чедир, эрге-чагырга ээлээннерге – 1000 – 2000 рубльга, юридиктиг албан-черлеринге 3000 – 5000 рубль чедир торгаалды төлээр ужурга таваржырын сагындырган.
Бии-Хем кожууннуң чагырга чериниң медээлери-биле.
Чурукту интернет четкизинден алган.