Тывада хууда көдээ ажыл-агый ажылын чорудуп турар Таңды кожууннуң билдингир чуттакчызы Михаил Санников Инстаграммда арнынга Украинада тускай операцияда киржип турар Россияның шериг албан-хүлээлгелиглерин деткип турарының дугайында мынчаар бижээн:
- Ада-чурттуң Улуг дайынының үезинде барык бажың бүрүзүнден улус фашизмге удур дайылдажып тургаш, маадырлыы-биле амы-тынын харам чокка берип турган. Бо хүнде база төрээн чуртундан ыракта бистиң чаңгыс чер-чурттугларывыс уйгу-дыш чок, маадырлыы-биле акы-дуңма күрүнени кижи төрелгетенге удур нацизм сиңген идеологиядан хостажып, чуртувустуң кызыгаарынга айыыл чок чорукту болдурбушаан, тулчуп турар. Харааданчыг чүүл - кижи бүрүзүнге силер дээш чоргаарланып чор бис деп чугаалаары болдунмас. Ыракта силерни деткип турарывысты билип турар дээрзинге бүзүрээр бис. Тиилелгелиг, бүдүн-бүрүн чанып кээриңерге сеткиливис ханызындан идегеп тур бис.
Силер - хар-назы, эрге-дужаал хамаан чокка, чурттуң ёзулуг маадырлары-дыр силер. Бодуңарны камнаңар. Хүлээлгеңер күүсеткеш, дүрген чанып келиңер - деп, ол бижээн.