Меге документилер ажыглаары – хамаатының бодунга ондактыг.
Россияда долу эвес мобилизация чарлаттынган хүн, сентябрь 21-ден тура, меге мөлчүкчүлер саны хенертен көвүдээн. Эксперттерниң санап турары-биле, удавас меге документилер кылыр болгаш виза, билеттер садып алырынга эптиг байдалдарын сыгаан сервистерниң тускай рыногу тургустунза хөңнү.
Шак ындыг мегени тудуп алыр дизе, кандыг аргалар барын болгаш меге документ ап чораан дээш кандыг айыылга таваржып болур, меге мөлчүкчүлерге алыспас дизе чүнү канчалза экил дээрзин интернетте медээлерден ушта бижилге.
Өттүндүр кылган меге документилер
Бузурукчулар телефон дамчыштыр долгааш, мобилизацияже келдириишкинни узадып бээринге дузалыг документилер кылдырып бээрин саналдаар. Ону кылырда, хамаатыны чуруун, документилерин болгаш 27 муң рубльди шилчидип берзин дээр. Чүгле акшаны шилчидипкен соонда, бузурукчу дораан-на хамааты-биле харылзааны үзүп кааптар. Ынчан хамааты чүде-даа чок каар: документиде-даа, акша-даа чок, ооң кадында документилеринде айыткан бодунуң дугайында үндезин медээлерин мегечиге эки тура –биле айтып берген апаар.
Өртээ хөй эвес дээнинде ужур-ла бар
Сактырга, төлевири хөй эвес ышкаш сагындырар, ынчалза-даа бүгү чажыт ында болур. Корткан, девидээн үезинде улус каш-даа акшазын төлээринден чалданмас. “Амдыызында кылдырып алыр арга турда, дүрген шимченир, справканы кылдырар”. Шак ынчаар девидээшкинге алыскаш, мөлчүкчүлерге мегеледип турар.
Чамдык черлерде бузурукчулар улустуң бажыңнарынга чедип, меге келдириишкинни көргүскеш, бир эвес акша төлеп бээр болза, хамаатыга келдириишкинни тывыспайн барып болурун чугаалап турар. Ындыг таварылгада, келдириишкин тыпсып келген кижиниң шынап-ла шериг комиссариадындан бе дээрзин ылавылап билип алырда, ооң шынзылгазын албан көргүзерин дилээр.
Өттүндүр кылган меге справка дээш
РФ-тиң КХ 327 чүүлү ёзугаар меге азы документини өттүндүр кылганы дээш 3 чылга чедир хосталгазын казыдып шииттирер, азы дөрт айдан алды айга чедир хоругдадыр, чок болза, хосталгазын ийи чылга чедир казыдып шииттирер. Ооң кадында, РФ-тиң ИК-же шеригден дескени дээш, кеземче херээн( РФ-тиң КХ 339 чүүлү) оттурары-биле бижик кииреринге шериг комиссариадынга чылдагаан болур.
Шак мындыг дүшкүүрлүг үеде меге документилер ажыглаары – хамаатының бодунга улуг ондактыг.