Кичээнгейлиг болуру чугула

Тывада Иштики херектер яамызы тускай чөпшээрел чокка эрттирген митингилерге киришкени дээш харыысалга дугайында сагындырып турар.

Социал четкилер болгаш мессенджерлерде Тыва Республиканың девискээринге тускай чөпшээрел албайн, акция эрттирер деп кыйгырыглар көстүп келгени илереттинген.

Тыва Республикада ИХЯ чөпшээредилге чокка эрттирген митингилерге киржири хоойлуну хажыдып турары болур дээрзин тайылбырлаан.

Шак ындыг чогуур чурум чокка митингилер организастап турар болгаш аңаа киржип турар хамаатылар хоойлужудулга езугаар административтиг харыысалгага онаажыр болур.

Шагдаа ажылдакчылары тускай чөпшээрел чокка митинг эрттирер деп турар организакчыларның улусту ыдалаан кыйгырыгларынга алыспазын, акция эрттирер деп чарлаттынган кожууннарже барбазын база чоок, төрел улузун, ажы-төлүн бодал чок кылдыныглардан кичээндирерин дилеп турар.