Кижиниң харылзажыр күзели психологтуг онзагайларындан база хамааржыр, чижээ, ооң психологтуг хевиринден. Хөй чылдар бурунгаар швейцар психолог Карл Густав Юнг кижилер ийи психологтуг хевирге чарлыр деп түңнел үндүрген — экстраверттер болгаш интроверттер.
Экстраверттерниң сонуургалы даштыкы делегейже угланган боор. Олар чугаакыр, идепкейлиг база улус-биле харылзажыры эптиг. Оларга хөй улус-биле харылзажыры база чаа бодалдар илередири чугула херек.
Интроверттер кол нургулайында бодунуң иштики делегейинче кичээнгей салыр. Олар — хагдынчак, харылзажырынга идепкей чок. Ынчалза-даа өске улусту олар сонуургавас деп болбас. Экстраверттер хөй эш-өөрлүг болур, а интроверттерниң эштери көңгүс эвээш, ынчалза-даа оларның харылзаазы кончуг быжыг боор.
VI класстың “Психология” өөредилге номундан.
“Шын №2 2025 чылдың январь 22