Бетховен эмин эрттир хынамчалыг чораан, ол кофе кылыр санында-ла бодунуң аяанда 60 кофе үрезинин катап-катап ылавылап санаар турган. А Вольтер бир хүнде 50 аяк кофени ижиптер турган.
Эрги шагда Константиновкага бирги кофейняларны «Мерген угаанныглар школазы» деп адаар турган. Аңаа чурукчулар болгаш чогаалчылар чыглыр турган.
Грецияда болгаш Турцияда чаңчыл ёзугаар кофени бир дугаар улуг кижиге сунар.
Япония — кофе ижерлер талазы-биле делегейде үшкү черде. Олар кофени кижиниң кежиниң дырышкаан чидирер, аныяксыдар деп санаарлар. Японнар мырыңай ананастың чымчак чимизинге тургускан кофе чөвүү-биле долдурган ваннага чыдарлар.
1511 чылда Меккага кофе хоруглуг турган. Ону радикалдыг угаан-бодалче база хөглээшкинче идиг бээр деп санаар турган.
Кофе чөвүү үнүштерге база ажыктыг, хөрзүнче чажып каарга, хоралыг курттарны узуткаар.
Шаанда турк душтук эрлер дүгдээшкин үезинде кадайын кофе-биле хандырар мен деп даңгырак бээр турганнар. Ону күүсетпейн барган таварылгада чарлырынга чедирер.
Хүннүң-не 4 аяк кофе ижерге, өт хавынга даштар тыптырының база баар циррозу тыптырының айыылын эвээжедир. Харын-даа кофеге ынактарга Паркинсон азы Альцгеймер аарыглары тыптып болурун 60 хуу эвээжедир.
Итальяннар кофени чигир-биле, мексиканнар корицалыг, немецтер биле швейцарлар изиг шоколадтыг, бельгийлер шоколад чивишаан ижеринге ынак. Эфиоптар кофеге дус, мароканчылар перец, а Чоокку Чөөн чүк чоннары болганчок-ла кардамон немеп алыр. Австралийжилер кофени көвүктелдирген сүт хоюу-биле ижерлер. Египетчилер холумак чок «арыг» кофеге чаңчыккан.
Чурукту интернеттен алган.
“Шын” №6 2026 чылдың февраль 19