Июль 8-те Өг-бүлениң, ынакшылдың болгаш шынчы чоруктуң хүнүнде Тывадан Тенгиз Ондар биле Маргарита Эренчин Россияның шупту булуңнарындан келген өске аныяктар-биле бадыланчыр.
Июль 8-тен 10-га чедир «Россия» деп Национал төпке «Россия. Чүректерни тудуштуруп турар» деп ийи дугаар бүгү-российжи куда фестивалынга өг-бүлелер бүрүткелиниң чараш ёзулалы эртер.
Тенгиз Ондар биле Маргарита Эренчин 17 чыл бурунгаар Кызылдың 1 дугаар школазынга өөредилге практиказын эртип турган үезинде таныжып алганнар.
Маргарита улуг класстарга фотосинтезти, а Тенгиз оларга Куликово тулчуушкунунуң дугайында тайылбырлап берип турган. Хөй чылдарның дургузунда шилип алган мергежилдеринге бедик арга-дуржулгалыг специалистер апарган. Тенгиз школачыларга төөгү болгаш хөй-ниити эртемин башкылап турар, ол Ада-чурттуң Улуг дайынының Төп музейиниң Хүндүлел бижиинге төлептиг болган. 2023 чылда Кызылдың мэриязының Хүндүлел бижии-биле шаңнаткан. Маргарита Тыва Республиканың Чазааның Даргазының оралакчызының секретариадында консультант болуп ажылдап турар. «Россияда чурттакчы чоннуң чизезин чорударынга ачы-дузазы дээш» деп хөрек демдээнге болгаш РФ-тиң кадык камгалал сайыдының болгаш Тываның Баштыңының Өөрүп четтириишкининиң бижиктерин алган.
Ынчалза-даа өг-бүле ажыл-агыйының талазы-биле чедиишкиннерден аңгыда, бот-боттарын деткижип, эгин-кожа найыралдыг чурттап чоруурлар.
«Россия. Чүректер тудуштуруп турар» деп куда-дой фестивалы июль 10-га чедир уламчылаар, ооң программазында өөредиглиг экскурсиялар, мастер-класстар, делгелгелер, лекциялар бар.
“Россия” Национал төвүнүң медээзи.
“Шын” № 23 2025 чылдың июнь 19