Школаларга болгаш өске-даа өөредилге черлериниң чоок-кавы девискээринде автомобиль оруктарынга ажы-төлдүң айыыл чок чоруурун хандырары – эң чугула ажылдарның бирээзи.
Тес-Хем кожууннуң прокуратуразының ажылдакчылары Самагалдай суурнуң кудумчуларынга хыналданы эрттирип, Россия Федерациязының хоойлу-дүрүмнериниң оруктарга шимчээшкинниң айыыл чогунга негелделерни тус черниң эрге-чагырга органнары, оруктарга шимчээшкинниң айыыл чогунуң күрүне инспекциязы болгаш бо чугула айтырыгга хамаарылгалыг өске-даа албан-организацияларның ажылында четпестерни илереткен.
Ланзыы, Шумовтар, Сандан кудумчуларда өөредилге-кижизидилге черлериниң чанында автомобиль оруктарының участоктарында “Дети” деп орук демдеглелдери чок болган. Ол-ла кудумчуларның белдирлеринде болгаш чадаг кижилер кежиглеринде чоннуң “чыдар полицейжилер” деп адай бергени автомобиль шимчээшкинин оожумнадыр дески эвес шаптараазыннарни кылбааны база илерээн.
Кунаа биле Ланзыы кудумчуларының белдиринде «Уступите дорогу» деп орук демдээн тургуспаан болган.
Самагалдай суурнуң кудумчуларынга орукка шимчээшкинни өйлээр талазы-биле хемчеглерни ап чорударын тус черниң эрге-чагырга органнарының удуртукчуларынга Тес-Хем кожууннуң прокуратуразы даандырган, ол ажылдарны күүседириниң хоойлуда көрдүнген хуусааларын сагындырган.5
КУДУМЧУЛАРГА ХЫНАЛДА.
24 октября 2022
39