Кыргыз кино тергиидээн

Кызылга делегей чергелиг I Буддисчи кино фестивалы доозулган. Аңаа Кыргызстандан, Норвегиядан, Алтайдан, Бурятиядан, Башкириядан, Калмыкиядан, Татарстандан, Мордовиядан, Якутиядан база Тывадан 18 кино киришкен.

Кино фестивалының дээди Гран-при шаңналын Кыргызстандан «Дорога в Эдем» деп фильм алган.

Дараазында номинацияларның тиилекчилери: эң-не тергиин кыска фильм — «Unseen» (Невиданное) (Норвегия, Россия); эң-не тергиин режиссер ажылы — Степан Бурнашевтиң «Наша зима» (Россия, Саха Республика); эң-не тергиин оператор ажылы – Михаил Кулунаковтуң «Изгородь» (оператор тургузукчузу Ольга Кулунакова, Россия, Алтай Республика);

Фестивальдың эң-не тергиин актерлары Бурятиядан Эрдени Жамбалов биле Тывадан Айдың Бады-Сагаан болган. А эң-не тергиин актриса атка Башкириядан «Асия» фильмниң кол ролюн ойнаан Нэркэс Мурзагареева төлептиг болган.

Тываның Камбы-лама эргелелиниң жюризи Тывага үндүрген «Бардо» биле «Тыва оол мен» деп кыска киноларны эң-не тергиин деп илереткен.

«Кызыл Дус» деп тыва фильмниң хөгжүм каасталгазы эң-не тергиин болган.

Татарстандан «Вопреки», Калмыкиядан «Заметки Манджика. Я калмык», Тывадан «Легенда Таңды-Уула», Мордовиядан «Сволочь?» деп кинолар тускай шаңналдарны алган.

/ Бистиң корр.