Кыштаглаашкын хүр-менди эгелээн.

Тываның көдээ ажыл-агыйлыгларында 447 муң баш мал-маган: шээр болгаш бода мал, теве, чылгы, сарлык, иви, хаваннар болгаш азырал сыын-мыйгак кыштаглаашкынны багай эвес эгелээн.

Көдээ ишчилер кышка удур 255, 5 муң тонна сигенни белеткээн, оон аңгыда кожууннарда 1083,8 тонна болгаш республикада - 1406 тонна мал чеминиң курлавыры бар. Эксперттерниң санап турары-биле, бо кышты хүр-менди эрттип алырынга бо хире хемчээлдиг мал чеми чедер болуп турар.

ТР-ниң Көдээ ажыл-агый яамызының дыңнадып турары-биле, бо чылын 3469 кыштагже, ооң иштинде 224 көдээ ажыл-агый бүдүрүлгелери, 1063 – арат-фермер ажыл-агыйлыглар, 199 – көдээ ажыл-агыйның бүдүрүлге кооперативи, 1983 – хууда дузалал ажыл-агыйлыг чон кыштаглап үнген.

ТР-ниң Көдээ ажыл-агый яамызының медээзи-биле