Кызыл хоорайның төвүнде халас арыгланыр чер

Кызыл хоорайның чагырга чери найысылалдың аңгы-аңгы микрорайоннарынга халас арыгланыр черлер тудар дугайында шиитпирни үндүрген. Оларның бирээзи хоорайның төвүнде «Кызыл» аалчылар бажыңының баарында. Хоорай чагыргазы арыгланыр чер тудар тудугжуну тодарадыры-биле чазын-на конкурсту чарлаан турган.

Тудугну хүлээнген бригад ажылын бо хүннерде эгелей берген. 2024 чылдың август айда найысылылдың төвүнге халас арыгланыр чер ажыттынар. Тудуг кидин түлүк чоруп турарын эрткен-дүшкен чон эскерип тур боор. Амгы үеде колдуунда иштики ажылдар арткан. Арыгланыр черниң тудуунче хоорай бюджединден 3 сая рубльди аңгылаан. Дараазында ийи арыгланыр черни Аныяктар сесерлиинге болгаш Тиилелге шөлүнүң девискээринге тудары көрдүнген.

А. ОНДАР белеткээн.

"Шын" №54 2024 чылдың июль 20