Бо чылдың октябрь 8-те «Кызыл кош» улусчу шимчээшкинниң делегациязы бистиң дайынчыларывыска дузаламчы чүъктү чедирер деп турар. Делегацияның одуруунче шериг албанныгларның дөргүл-төрелдери, шимчээшкинниң удуртукчузу Чойгана Назытай, журналистер Наталья Черноусова биле Алдынай Тюлюш олар кирип турар.
«Чер-черлерге акша-хөреңги, эт-сеп чыылдазын чоруткан эриг баарлыг кижилерге өөрүп четтиргенивисти илередип, Тывадан тускай шериг операциязында киржип турар шериг албанныгларга дузаламчы чыылдазынга бир демниг болурунче дөгерезин кыйгырып тур бис” — деп, Тываның Хөй-ниитиниң улусчу фронтузунуң штавы дыңнаткан.
Бөгүн муниципалитет, хөй-ниити организациязы бүрүзү база хөй-ниити үзел-оналының баштыңнары акша-хөреңги чыылдазын организастап турарлар.
Хөй-ниитиниң улусчу фронтузунуң идепкейжилери дузаламчыны чаңгыс черге мөөңнеп чыыр болза, эптиг болгаш үре-түңнелдиг болур деп санап турарлар.
Акша-төгерикти Ажаалга банкызында 8 923 264 32 93 Наталья Александровна Ч. деп дугаарлыг банк санынче чорудуп болур.
Чылыг идик-хепти (уктар, иштинден кедер хеп, улдуңнар), арыг-шевер эдилелин, тыва далган, хаан-шай, ааржы-курут, артышты Хөй-ниитиниң улусчу фронтузунуң дараазында адрезинге эккеп болур: Кызыл хоорай, Кочетов кудумчузу, 30, 26 дугаарлыг өрээл. Харылзажыр телефоннары: 2-10-50, 8 923 652 77 77.
"Кызыл кош"
3 октября 2022
39