Июнь 16-дан тура Кызыл хоорайда Заводская, 24, Пальмбах, 29, 29/1, Ооржак Лопсанчап, 22, Складская, 20 база Мугур, 94 деп адресте турар эргижирээн бажыңнарны бузар ажыл эгелээр.
Ук бажыңнар найысылалдың эргижирээн чурттаар оран-савадан хамаатыларны чаа бажыңнарже көжүрер тускай программаже кирген, чурттакчылары чаа бажыңнарны алгаш, көжүп кире берген. Шак ындыг хосталы берген эрги бажыңнарны чогуур үе-шаанда бузуп, ук девискээрни аштап-арыглаар ужурлуг. Ооң бетинде изиг-соок суг, электри хандырылгазын үзер.
Шак бо адрестерде турар эрги бажыңнарның ээлери июнь 16-га чедир хостаар ужурлуг, эрги эт-сеп, эдилелдери бар болза, дарый көжүрери чугула.
Кызыл хоорай чагыргазының медээлери-биле.