Бо чылын школачыларның чайгы дыштанылгазында Тывага 150 ажыг лагерьлер ажылдаар. Амгы үеде дыштанылга черлеринде белеткел ажылдары дооступ турар. Июнь 15-те бирги сезон ажыттынар.
Лагерьлерге уругларны хүлээп алыры-биле, ажыл кидин түлүк чоруп турар. Өртке удур белеткелдиң болгаш росхереглелхайгаарал албанының хыналдазын манап турарлар. Ук хыналданың соонда школачыларны хүлээп эгелей бээр. Бир дугаар сезонче шупту путевкалар саттына берген. Уруг бүрүзү эмчи болгаш ковид-19 чок деп шынзылга бижиктиг болур ужурлуг.
Дыштанып турган үеде уруглар хүнде беш катап чемненир. Бир уругга хүнде 320 рубль көрдүнген. Республиканың шупту лагерьлери июнь 15-те бирги сезонун ажыдар.
/ Бистиң корр.