Тываның Баштыңының албан-хүлээлгезин күүседип турар Владислав Ховалыг, Россия Федерациязының Федералдыг Хуралының Күрүне Думазының депутады Лариса Кужугетовна Шойгунуң мөчээни-биле, кажыыдалды чарлаар дугайында чарлыкка атты салган.
Тыва Республиканың Конституциязының 111 чүүлүнүң 3 кезээн удуртулга болдургаш, Россия Федерациязының Федералдыг Хуралының Күрүне Думазының депутады Лариса Кужугетовна Шойгунуң мөчээни-биле 2021 чылдың июнь 11-ни Тыва Республикада кажыыдал хүнү кылдыр чарлаан.
Тыва Республиканың девискээринде Россияның болгаш Тываның күрүне туктарын бадырган. Культура албан черлеринге база телекомпанияларга кажыыдал хүнүнде хөглээшкинниг хемчеглер база дамчыдылгалар эрттирбезин саналдаан.