Үлегер домактар

Каң демир сугга кадар,
Кижи — бергээ кадар.
***
Мал оруу — чаг,
Аң оруу — хан.
***
Баяаш, балдыр эъди кагба,
Чок дээш, чода карты чиве.
***
Буга мүнү мүнчүг,
Будук оду отчуг.
***
Өлген дээш, ачаң бажын артава,
Өшкен дээш, от орну баспа.
***
Ынактың чарлыры белен,
Каастың оңары белен.
***
Кара баштыг кижи аңдарлыр.
Кара чудук аңдарылбас.
***
Чазый дүжүмет хээлиге тотпас,
Чазый ыт чараазынга тотпас.
***
Паш тиккеш, от салыр,
Бала туткаш, тараа соктаар.
***
Болбас тенек бажын үзер.
Дендии тенек тейин үзер.
***
Эжи-биле найыралдыг болза,
Эртинелиг дагны тургузар сен.

«Шын» №74 2023 чылдың сентябрь 30