Үлегер домактар

Ажылды далдава,
алдарны өкпелеве.

Малгаштан деспе — бай чуртталгаң ол,
Довурактан деспе — тодуг чутталгаң ол.

Ажынгаш, арга кирбе,
дарынгаш, даг үнме.

Чараш чечек чулба,
чаш ыяш сыкпа.

Эжиң ымзандырба,
энииң аштатпа.

Ийи кижи аразынга хоп сөглеве,
Ийи ыт аразынче сөөк октава.

Хүнүн бодава, кедизин бодап чуртта.

Ынак эжиң ыт диве,
ыңгыржакты эзер диве.

Ыядырын билбес, ылчың болба,
Коргарын билбес хопчу болба.

Кадырга далашпа,
кадыгга харлыкпа.

Алыскак-чискек болба,
ажырымчы чорба.

Арнынга алгаш,
артынга бактава.

Хөй-биле хөлзеве,
көгээржик сүрбе.

Улуг мен дээш улуургава,
Аныяк мен дээш адыыргава.

Оглуңну эпчокка өөретпе,
Кызыңны кыяңга өөретпе.

Өөңге олутпай болба,
өөрүңге өжээргек болба.

Эки келзе салдынма,
бак келзе туттунма.

Эмдик аътка октатпа,
эзирик кижээ чалчытпа.

Бак кижиниң аайынга кирбе,
Баларлыг сугже аъдың чагдатпа.

Кеди чоктан халбактанма,
Кежиг чоктан кежиксеве.

Тура чоктан туттунма,
дуза чоктан диленме.

Хээлини алыксава,
хээректи кедиксеве.

“Шын” №37 2024 чылдың май 25