Арга-ыяшты хат шимчедир,
Ажылчы чонну шын шимчедир.
Ажылы эки артельдиң
Аъды семис.
Эмге-сеске, чурум кайдал,
Элбек, байлак колхоз ында.
Чаңгыс ээриил четпези –
Часкы хүннүң эртери.
Хуу кижээ гектар – далай,
Хууңчукка хөөлбек – далай.
Чаңгыстың шаа чок,
Көптүң күжү мөге.
Ядыының угааны байдан артык.
Тоткан кижээ
Тогду кудуруу кадыг.
Эртинени шыгжаарындан
Эдержириниң эви херек.
Малга манаг херек,
Кижээ эш херек.
/ “Тыва улустуң үлегер сөстери болгаш домактары” деп номдан.
“Шын №2 2025 чылдың январь 22