«Лунсин» компаниязы бойдус байлаан казып тыпкан чериниӊ орнунга арга-ыяш тарып олуртур хүлээлгезин күүседип турар.
Үнүштерни тарып олуртур кылдыр Россияныӊ арга-эзим камгалаар албан чериниӊ Тывада салбыры-биле керээ чарып алган.
ТР-ниӊ Арга-эзим камгалаар төвүнүӊ специалистери үнүштерни тарып өстүрер төлевилелди ажылдап кылгаш, ол черни шинчилээш, Красноярскыдан чаш хадыӊнарны садып алган.
Үнүш өзүп көрбээн мээс черге 2,500 хадыӊчыгашты тарып олуртканы баштайгы шенелде болганда, ону доктаамал хайгаарап шинчилээр. Ол девискээр Кызылдыӊ арга-арыг ажыл-агыйыныӊ Черби участогунга хамааржыр.