Тываның төөгүзү-биле тудуш улуг өгбе “Шын” солуннуң тургустунганындан бээр 100 чыл оюнга уткуштур “Шын” мээң амыдыралымда” деп чогаадыкчы мөөрейни солуннуң редакциязы 2025 чылдың январь 21-ден июль 31-ге чедир чарлап тур.
Мөөрейниң тургузукчузу:
“ТываМедиаБөлүк” ПБ, “Шын” солуннуң редколлегиязы.
Мөөрейниң сорулгазы:
“Шын” солуннуң Тываның хөгжүлдезинге киирген үлүг-хуузун, ат-алдарын чырыдары.
Мөөрейниң негелдези:
1. “Шын” солуннуң номчукчуларының болгаш бижикчилериниң амыдырал-чуртталгазынга ук солуннуң салдары, дузазы болгаш өске-даа солун болуушкуннар-биле холбашкан парлап каан материалдарны Word форматка бижээн, А4 хемчээлдиг 3 ама саазындан хөй эвес электроннуг хевирин хүлээр алыр. Хол үжүү-биле саазында бижээн чүүлдү хүлээп албас. Материалдарны дедир эгитпес.
2. Мөөрейге бижээн материалдарны “Шын” солуннуң социал четкилерде арыннарынга парлаар. “Шынның” социал четкиге парлаттынган мөөрей материалдарынга хөй “чүрек” басканын, чеже кижи номчаанын жюри барымдаалап көөр.
3. “Мөөрейге” деп айтып каан материалдарны “Шын” солуннуң дараазында электроннуг адрезинче чорудар: shyntuva@mail.ru.
4. Мөөрей киржикчилериниң хар-назынында кызыгаарлаашкын чок.
5. “Шын” солун мээң амыдыралымда” мөөрейниң бир негелдези — киржикчилери солуннуң 3 айның азы чартык чылдың, бир чылдың чагыдылгазын кылган турар. Ол дугайында квитанцияны мөөрейге киириштирер материалынга кожар.
6. Мөөрейге киржир күзелдиг улус дараазында чүүлдү долдурар:
- ат-сывын долузу-биле бижиир;
- чурттап турар чериниң долу адрезин айтыр;
- ажылдап турар черин тода бижиир;
телефоннарын, E-mail адрезин айтыр;
мөөрейге киржир чагыгны киирген ай хүнүн долу айтыр;
материалының адын айтыр.
7. Мөөрейниң номинациялары:
- Мээң ук-салгалым “Шын” солунда;
- “Шын” солун-биле холбашкан сактыышкын.
8. Мөөрейге кирген материалдарның утка-шынарын солуннуң редколлегиязы үнелээр.
9. Мөөрейниң харыысалгалыг секретары: тел: 2-01-35
e-mail: shyntuva@mail.ru
10. Мөөрейге киириштирген материалдарны үнелээри:
- чараш тыва дылга шын бижээни;
- бижээн чүүлүнүң утказын долу илереткени;
- төөгүлүг болуушкуннарны хажытпааны;
- авторнуң бодунуң дылының стили;
- материалдың сөзүглелиниң уран-чечени.
Жюри кежигүннери үстүнде пункт бүрүзүнге 10 баллга чедир үнелелди бээр.
11. Тиилекчилерни шаңнаары:
“Шын” солун мээң амыдыралымда” мөөрейниң тиилекчилерин солуннуң 100 чыл оюн демдеглээн байырлалче чалаар, аңаа шаңналдарны тыпсыр.
“Шын” солуннуң редколлегиязы.
Чурукту интернет четкизинден хоолгалаан.
“Шын” №2 2025 чылдың январь 23