Тываның Баштыңы Владислав Ховалыг Украинага шериг операция үезинде биче сержант Эдуард Билзенниң, ефрейторлар Адыгжы Монгуштуң, Ромаз Оюннуң мөчээнин дыңнаткан. Оолдар эрес-дидим, коргуш чок, даңгыраанга болгаш албан хүлэлгезинге шынчызын көргүзүп, тайбың дээш амы-тынын өргээн.
«Бистиң тыва оолдарывыс дидим чоруу-биле кезээде ылгалып чораан. Ону эрес-дидими база маадырлыы-биле бадыткааннар. Оолдарны "Эрес-дидим чорук" ордени-биле мөчээн соонда шаңнаар дугайында 55-ки мотоадыгжы бригаданың удуртулгазының дилээн деткип тур мен. Мөчээн оолдарның өг-бүлезиниң кажыыдалын үлештим. Бүдүн Тыва маадыр оолдарывыстың өг-бүлелери база чоок кижилери-биле кады качыгдап тур. Маадырларга мөңге алдар» - деп, В. Ховалыг кажыыдалын илереткен.
Республиканың Чазаа мөчээн оолдарның өг-бүлелеринге кажыыдалды илередип, херек дузаны көргүзер.
Украинага тускай шериг операция үезинде, бөгүннүү-биле, Тыва Республикадан сес дайынчы мөчээн. Дайынчыларның дугайында чырык сактыышкын Тываның чурттакчыларының чүрээнге артар. Маадырлар уттундурбас.