Маадырларга шаңналдар

Июнь 25-те Тыва Республиканың Дээди Хуралынга тускай шериг операциязынга киржип тургаш, маадырлыы-биле мөчээн шериглерге дайынчы хөделиишкиннер үезинде эрес-дидим чоруун көргүскени дээш Россия Федерациязының Президентизиниң Чарлыы-биле «Эрес-дидим чоруу дээш» деп медальдарны маадырларның чоок кижилеринге тывыскан.

ТР-ниң Дээди Хуралының Даргазы Каң-оол Даваа, ТР-ниң Чазааның Даргазының оралакчызы Виталий Бартына-Сады, Тыва Республикада федералдыг инспектору Шолбан Моңгуш олар Айвар Моңгуштуң, Роман Поршневтиң, Буян Сарыгларның, Андрей Туренконуң, Дмитрий Шагдырның, Олчат Моңгуштуң чоок кижилеринге орденнерни хүлээдип берген.

Күрүне шаңналдары тыпсыр бетинде ТР-ниң Дээди Хуралының Даргазы Каң-оол Даваа сөс алгаш, үстүнде ады кирген маадырларның чоок улузунга ТР-ниң Баштыңының болгаш ТР-ниң Дээди Хуралының депутаттарының база Тываның хөй омак-сөөктүг чонунуң өмүнээзинден кажыыдалын илереткен.

Бистиң корр.
"Шын" №47 2024 чылдың июнь 26