Туранга ТШО киржикчизи Юлиан Юрьевич Оюннуң чырык адынга тураскааткан эр командалар аразынга хол бөмбүүнүң маргылдаазы болуп эрткен. Маргылдааның эгелекчилери маадырның чоок кижилери болган.
Ук маргылдаа бистиң тайбың ак-көк дээривис дээш амы-тынын берген Юлиан Юрьевичиниң чырык адынга хүндүткелдиң ёзузун көргүзер база бир арга болган.
Шак мындыг хемчеглерни бистиң өзүп олурар салгалдарывыска маадырларны сактып, оларга чоргаарланып чорзун дээш эрттирип турар.
Юлиан Юрьевич Оюн ТШО киржикчизи, ефрейтор, дайынчы хөделиишкиннер хоочуну, Жуков медальының кавалери чораан. Амы-тынындан чарылган соонда Эрес-дидим чоруктуң орденин тывыскан.