Россия Федерациязының Хамаарышпас профэвилелдер федерациязының саналдааны-биле, Тыва өске регионнар ышкаш, Май 1-де күш-ажылчы коллективтерниң калбак чыскаалындан ойталаан.
Чаңчыл болу берген чыскаалдың орнунга ажылчын кижиниң овур-хевирин нептередиринче угланган чымыштыг программа республиканың чурттакчыларын манап турарын, Тываның Баштыңы Владислав Ховалыг дыңнаткан.
Май 1-де Арат шөлүнге
10.00 шакта – «Профи-2023» республиканың профугланыышкынныг фестивалы-биле Тыва Республиканың өөредилге черлериниң продукциялар садып-саарылгазы, ажылчын мергежилдер делгелгези;
10.00 шакта – тус чер бараан бүдүрүкчүлериниң делгелге-ярмарказы;
10.00 шакта – «Россияда ажыл» кадрлар төвүнден хостуг олуттар ярмарказы;
10.00 шакта – «Сүмелекчи-1, 2» халас дуза төвүнүң юристериниң чурттакчы чонга халас юридиктиг ачы-дуза чедирилгези;
11.00 шакта – шимчеп чоруур деригге флюорографтыг болгаш гаммаграфтыг шинчилелдер;
12.00 шакта – Кызыл хоорайның чогаадыкчы коллективтериниң “Частың аялгалары” байырлал концерти болур.
В.М. Халилов аттыг Тываның күрүне филармониязынга
17.00 шакта – «Аныяк сылдыстар» деп симфониктиг оркестр биле солистер концерти чонунга бараан болур.
Кызылдың Арбадынга
"Майның чүзүн-баазын өңнери" байырлал программазы:
12.00 шакта –Чурукчулар эвилели биле Н. Рушева аттыг уругларның уран чурулга шкоалзының өөреникчилериниң "Тайбың, Күш-ажыл, Май" делгелгези;
13.00 шакта – байырлал концерти болур.
Кызылдың Аныяктар сесерлиинге
14.00 шакта – «Делегейге – тайбың!» аныяктарның чогаадыкчы каттыжыышкыннарының фестивалы.
Май 1 база 2-де Владимир Биче-оол аттыг «Хүреш» стадионунга
12.00 шакта – «Күштүглерниң күштүү» шыырак мөгелерниң тыва хүрешке республика маргылдаазы болур.
Тываның Чазааның парлалга албаны.
Май 1-де Частың болгаш Күш-ажылдың байырлалын Тывага байырлаарының программазы
29 апреля 2023
46