Кожууннарның көдээ ажыл-агый эргелелиниң ажылдакчылары байырлал хүннеринде ажылдап турган. ТР-ниң Баштыңы Владислав Ховалыгның даалгазы-биле, чаа үнген чылдың баштайы хүннеринде кожууннарның чагырга черлериниң ажылдакчылары, мал эмчилери болгаш ниити аарыглар эмчилеринден тургустунган бөлүктер малчыннарже үнүүшкүннерни кылган. Специалистерниң демдеглээни-биле алырга, малдың деңгели ниитизи-биле ортумак байдалда.
Айыыл чок чорукка болгаш орук озал-ондаанга хамаарышкан темага профилактиктиг ажылдарны база чергелештир кылып чоруткан. Малчыннарга байырлал таварыштыр байыр чедирип, белек-селекти сөңнээнин база демдеглээри чугула.
ТР-ниң Көдээ ажыл-агый яамызының медээлеринден.
Чуруктарны интернет четкизинден алган.