Малчын аалдарже үнүүшкүннер уламчылавышаан

Чаа чылдың дыштаныр хонуктары эрте берген-даа болза, кожууннарда малчын аалдарже үнүүшкүннер уламчылавышаан. Чаа-Хөл кожууннуң кожуун даргазы Аркадий Одегейниң айтыышкыны-биле малчын аалдарже үнүүшкүннер ам-даа уламчылап турар.

Көдээ черде малчын аалдарның кышты кайы хире ажып эртип турарын, мал-маганы хүр-менди бе, ал-боттары амыр-кадык бе дээрзин ылавылаар дээш, тус черниң кожуун чагыргазының ажылдакчылары кыштагларже үнүүшкүннерни ам-даа соксатпаан.

Чүгле даргалар эвес, малчыннарже барып турар бригадаларда мал эмчилери-даа, кижи эмчилери-даа бар. Ниитизи-биле күштүг сооктар чок, чылыг кыш болуп турарын малчыннар демдеглээн.

Чуруктарны интернет четкизинден алган.